Google ADS

Papunësia problemi më i madh i qytetarëve të Kosovës

12:41 | 22 Nëntor 2017
arbresh.info

Më shumë se 65% e kosovarëve konsiderojnë se problemet më të mëdha me të cilat ballafaqohet sot Kosova lidhen me kushtet socio-ekonomike, raporton arbresh.info.

Programi i Kombeve të Bashkuara për Zhvillim (UNDP) lansoi sot Pulsin Publik XIII që bazohet në anketën e kryer gjatë fundit të shtatorit dhe fillimit të tetorit 2017 dhe ndjek traditën e përmbledhjeve të mëparshme që shqyrtojnë situatën në zhvillim në Kosovë sipas aspekteve kyçe të saj.

Të anketuarit zgjodhën papunësinë (40% krahasuar me 48% në tetor 2016), korrupsionin (17% krahasuar me 7% në tetor 2016) dhe varfërinë (9% krahasuar me 21% në tetor 2016) si tre problemet kryesore që ndikojnë në mirëqenien e tyre sociale.

Gjithashtu, kjo anketë tregoi se rreth 4% e kosovarëve i konsiderojnë krimin e organizuar dhe shërbimet shëndetësore mes shqetësimeve të tjera të ngutshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm