Fshati Banjskë është hapur mëngjesin e së mërkurës, tre ditë pas sulmit terrorist ndaj Policisë së Kosovës.

Më 24 shtator, një grup i maskuar dhe i armatosur ka sulmuar Policinë e Kosovës, si pasojë e të cilit ka humbur jetën reshteri, Afrim Bunjaku tashmë i shpallur “Hero i Kosovës”, shkruan Arbresh.info.

Ekipi i Arbresh.info po qëndron në Banjskë duke sjellur pamje nga zona e konfliktit.

Ndryshe, deri më tani Policia e Kosovës ka arrestuar tetë perosna prej të cilëve katër janë liruar me vendim të Prokurorit Special.

Lirohen katër personat e arrestuar gjatë aksionit policor në Banjskë

Ndërsa, është konfiksuar një arsenal armësh, veturash dhe autoblindash.

Po ashtu, policia ka neutralizuar tre sulmues nga i ashtuqujatur grup terrorist.

Nga veriu i vendit, Zëvendësdrejtori i Policisë të Kosovës në rajonin e veriut, Veton Elshani, ka thënë se Policia nuk ka pasur qëllim ta vrasë asnjërin nga sulmuesit në Manastirin e Bansjkës.

Elshani, në një konferencë për medie nga veriu i vendit, ka thënë se qëllimi i Policisë ka qenë vetëm ruajtja e territorit dhe çlirimi i vendit nga kriminelët.

Tutje, ai ka thënë se hetimet nuk do të përfundojnë për një kohë të gjatë e se zona rreth Manastirit do të qëndrojë e mbyllur nën dyshimet se ka ende mjete të paeksploduara./Arbresh.info.

Elshani: Policia s’pati qëllim ta vrasë askënd, vetëm ta çlirojë vendin nga kriminelët