Një tjetër aksident trafiku ka ndodhur të hënën ku kanë mbetur të lënduar 6 person.

Mëngjesin e së hënës, një i tillë ka ndodhur në rrugën magjistrale Prishtinë-Fushë Kosovë, në të cilin janë përfshirë dy vetura.

Në aksident dyshohet se është përfshirë edhe një veturë e KFOR’it.

“Rreth orës 10:00 kemi marrë informacion për një aksident trafiku në rrugën Prishtinë-Fushë Kosovë. Në këtë aksident kanë qenë të përfshira dy vetura, përderisa tretman mjekësor kanë kërkuar katër persona. Me rastin po merret Njësiti i Trafikut”, ka thënë zyra për Informim, e Policisë së Kosovës.

Ndonëse, Policia e Kosovës ka raportuar për 4 të lënduar, në Qendrën Klinike Universitare tretman mjekësor kanë kërkuar 6 persona, prej të cilëve dy fëmijë.

Pas ndihmës që u është dhënë të aksidentuarve, ata janë liruar në shtëpi.