Pamje gjatë qëndrimit të terroristit në Preshevë (Video)

17:54 | 15 Nëntor 2015
M. A.

A.A. emri i të cilit është i njohur për shërbimin e sigurisë franceze, është regjistruar në kufirin në Preshevë, më 7 tetor të këtij viti, ku edhe zyrtarisht ka bërë kërkesën për azil në këtë kufi. Ai vetëm 13 ditë më pas ishte regjistruar në një video duke vallëzuar në Preshevë.

Terroristi A.A., i cili morri pjesë në masakrat e Parisit, para një muaji ka bërë kërkesë për azil në Preshevë, transmeton lajmi.net

Në përshkrimin e videos shkruan “Përkundër kushteve të rënda pune që kemi këtu në Preshevë dëshirojmë të ju informojmë se jemi mirë të gjithë. Duke biseduar me njerëzit që presin nga 15 orë, kemi parë që ata janë akoma në gjendje të bëjnë shaka dhe të argëtohen. Ne kemi sjellur një sistem, të cilin mund ta përdorin njerëzit për të dëgjuar këngën e tyre të preferuar në telefon”

Ende nuk është zyrtarisht e konfirmuar që ai është në këtë video.

Ashtu siç kanë njoftuar zyrtarët grek, ai ka hyrë në territorin e Greqisë më 3 tetor. Ndërsa, në Serbi ai ka hyrë më 7 tetor te Miratoci, nga Maqedonia.