Kandidatët nga koalicioni Lista për Familjen kanë vizituar sot Shoqatën e Pensionistëve në Prishtinë.

Kandidati për deputet nga ky koalicion, Selim Pacolli tha se nga kjo vizitë u njoftua nga afër me sfidat dhe shqetësimet me të cilat përballen pensionistët, përcjell Arbresh.info.

Me anë të një postimi në Facebook, Pacolli tha se një nga kërkesat e tyre primare ishte ligji për fondin pensional, si dhe shqetësimi për paraqitjen e pensionistëve çdo gjashtë muaj.

“Me kandidatët e Koalicionit “Lista për Familjen” sot zhvilluam vizitë në Shoqatën e Pensionistëve, ku u njoftuam nga afër me sfidat dhe shqetësimet me të cilat ata përballen. Një nga kërkesat e tyre primare ishte ligji për fondin pensional, si dhe shqetësimi për paraqitjen e pensionistëve çdo gjashtë muaj. Koalicioni “Lista për Familjen” premtoi se do të jenë mbështetja dhe ruajtja e së drejtës dhe dinjitetit të tyre gjithnjë”, ka shkruar Pacolli./Arbresh.info