Sot do të zhvillohet ndeshja miqësore në mes të Kombëtares kosovare dhe asaj të Shqipërisë,  që do të mbahet në Stadiumin e Qytetit në Prishtinë, duke filluar nga ora 14:00, transmeton arbresh.info

Me këtë rast të rëndësishëm për kombin shqiptar, ish – Presidenti i Kosovës dhe njëherësh kryetari i AKR-së, z. Behgjet Pacolli ka thënë se të dyja ekipet do të jenë fituese sot.

“Është një gëzim i madh që Kombëtarja Shqiptare ka ardhur në Prishtinë. Ndeshja e sotme duhet shikuar më shumë si një ndeshje vëllazërore dhe festive. Ne duhet të jemi krenarë që kemi dy ekipe shqiptare të cilët e duan dhe respektojnë njëri-tjetrin shumë. Të dy ekipet do të jenë fitues sot! ? ???? ‪#‎jemi ‪#‎shqiptarë”, ka shkruar Pacolli në llogarinë e tij në Facebook.

Kombëtarja shqiptare po qëndron  në Kosovë për të zhvilluar ndeshjen miqësore pas kualifikimit në Euro 2016.  Kosova dhe Shqipëria do luajnë ndeshjen e katërt mes tyre derisa sfida e parë ishte zhvilluar në vitin 1993./arbresh.info

https://www.facebook.com/behgjeti/photos/a.320390645152.341768.307617160152/10156182871335153/?type=3&theater