Presidenti i AKR-së, Behgjet Pacolli ka reaguar pas konfirmimit se kryetari i LDK-së, Isa Mustafa është pozitiv me koronavirus.

Ai i ka uruar shërim të shpejtë Mustafës, por edhe njëkohësisht ka përmendur komentet negative që u bënë kur ky i fundit njoftoi se ishte i infektuar, transmeton portali arbresh.info.

Pacolli thotë se është një edukim i tmerrshëm të urojmë dikë për vdekje.

Ky është i plotë shkrimi i tij:

Sapo mora lajmin se Kryetari i LDK-së, Isa Mustafa ka dalë pozitiv në COVID-19. Nga zemra i uroj shërim të shpejtë. Në të njëjtën kohë nuk mundem pa shkruar për disa nga komentet e mbrapshta dhe çnjerëzore për shëndetin e tij të disa individëve. Pavarësisht bindjës politike, ne jemi shqiptar dhe duhet të solidarizohem me njëri-tjetrin. Të urojmë dikë për vdekje, në këtë moment, është një edukim i tmerrshëm.