Ministri i Jashtëm i Kosovës, njëherësh zëvendëskryeministër i vendit, Behgjet Pacolli, ka thënë se Kosova ishte me fat që sot u vizitua nga Ndihmës-Sekretari i Shtetit amerikan për Evropë dhe Euro-Azi, Ëes Mitchel, duke shtuar se Demarkacioni është çështje e mbyllur.

Pacolli përmes një postimi në Facebook ka thënë se SHBA-ja ka qenë gjithmonë pranë Kosovës në ditët më të vështira.

Postimi i plotë i Pacollit:

Shtetet e Bashkuara të Amerikës kanë qenë gjithëherë pranë nesh në ditët më të vështira për popullin dhe në proceset më të rëndësishme për vendin. Sot ishte ditë me fat për Kosovën sepse Demarkacioni pothuajse është çështje e mbyllur. Ishte ditë me fat sepse kishim mysafirë edhe Ndihmës-Sekretarin e Shtetit amerikan për Evropë dhe Euro-Azi, Ëes Mitchel. Thellësisht mirënjohës për mbështetjen gjithëpërfshirëse dhe të palëkundur amerikane. Krenar, që populli i Kosovës në veçanti dhe shqiptarët në përgjithësi janë populli më pro-amerikan në botë.

Aleat dhe partner të përhershëm strategjik.