Osmani: Veprimet e policisë ndaj bandave të Vuçiqit janë legjitime, sovraniteti dhe integriteti i Kosovës është i pacenueshëm

19:35 | 26 Maj 2023
K.B

Presidentja e Kosovës, Vjosa Osmani ka reaguar pas zhvillimeve të fundit në veri të vendit.

“Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm, ndaj mbrohet me të gjitha mjetet e përcaktuara me Kushtetutë dhe me ligj. (Neni 2 i Kushtetutës)”, ka shkruar Osmani.

Osmani është shprehur se veprimet e Policisë së Kosovës ndaj “strukturave ilegale e bandave kriminale të Vuçiqit” janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim.

“Qëndrueshmëria, jetëgjatësia dhe suksesi i këtyre veprimeve varen njëkohësisht edhe nga koordinimi me aleatët që ishin dhe mbeten garantues të sovranitetit dhe pavarësisë sonë. Bashkë, jemi gjithnjë më të fortë!”, ka shkruar presidentja Osmani./Arbresh.info/