Presidentja e Kosovës, Vjosa Osmani iu ka shprehur ngushëllime familjes, miqve, Universitetit të Prishtinës dhe Akademisë së Shkencave dhe Arteve të Kosovës, për ndarjen nga jeta të akademik Feriz Krasniqit.

Osmani tha se është thellësisht e pikëlluar nga shuarja e akademik Feriz Krasniqit.

Ndërsa tha se kontributi i i tij për themelimin e Universitetit të Prishtinës është tejet i çmuar, sikurse edhe puna e tij e palodhshme në sferën akademike.

Ngushëllimi i plotë i Presidentes Osmani:

Jam thellësisht e pikëlluar nga shuarja e akademik Feriz Krasniqit, ish-rektor e prorektor i Universitetit të Prishtinës, si dhe ligjërues universitar.

Kontributi i tij për themelimin e Universitetit të Prishtinës është tejet i çmuar, sikurse edhe puna e tij e palodhshme në sferën akademike, e cila mbetet testament për brezat dhe kujtim i përhershëm për të.

Ju shpreh ngushëllime të sinqerta familjes, miqve, Universitetit të Prishtinës dhe Akademisë së Shkencave dhe Arteve të Kosovës!/Arbresh.info/

Ndryshe dje ( e premte) Akademia e Shkencave dhe Arteve e Kosovës (AShAK) ka njoftuar se ka ndërruar jetë akademiku Feriz Krasniqi, anëtar korrespodent i AShAK-ut nga viti 1996 dhe anëtar i rregullt nga viti 2000.

LEXO EDHE:

Vdes akademiku Feriz Krasniqi