Osmani takon Dukën e Madh të Luksemburgut, diskutojnë për mbështetjen e të mbijetuarave të dhunës seksuale gjatë luftës

11:31 | 27 Korrik 2024
K.B

Presidentja e vendit, Vjosa Osmani është takuar me Dukën e Madh të Luksemburgut Henri dhe Dukeshën e Madhe Maria Teresa.

Osmani në një postim në Facebook, ka shkruar se kanë biseduar për fuqizimin dhe mbështetjen e të mbijetuarave të dhunës seksuale gjatë luftës

“Fuqizimi dhe mbështetja e të mbijetuarave të dhunës seksuale gjatë luftës ishte në fokus të diskutimeve tona në një mëngjes të përzemërt sot në Paris me Dukën e Madh të Luksemburgut Henri dhe Dukeshën e Madhe Maria Teresa”, shkroi Osmani.

Presidentja tha se bashkimi i forcave dhe zërave tanë për të fuqizuar zërin e të mbijetuarve, do të fuqizojë edhe kauzën tonë të përbashkët për drejtësi./Arbresh.info/