Osmani: Skënderbeu ishte digë e fortë e mbrojtjes së Evropës,  që pati guximin në të gjitha përballjet e tij

10:21 | 17 Janar 2021

Në 553 vjetorin e vdekjes së heroit Kombëtar  Gjergj Kastrioti-Skenderbeu , ushtruesja e detyrës së Presidentes së Kosovës, Vjosa Osmani  ka thënë se ai ishte frymëzim i rezistencës dhe i luftës për liri në të gjitha periudhat.

Sipas Osmanit, Gjergj Kastrioti mbetet edhe ikona e unitetit të kombit shqiptar, shkruan arbresh.info.

Sot mbushen 553 vjet nga vdekja e heroit tonë Kombëtar Gjergj Kastrioti- Skënderbeu. Ai ishte digë e fortë e mbrojtjes së Evropës,  që pati guximin në të gjitha përballjet e tij. Përveç se një luftëtar i paepur, Gjergj Kastrioti mbetet edhe ikona e unitetit tonë. Në fillim të marsit të vitit 1444, në Kuvendin e Lezhës, ai realizoi të parin bashkim politik të princërve shqiptarë të kohës, me të cilin iu hapë rruga themelimit të shtetit mesjetar shqiptar”, ka shkruar Osmani në Facebook.

Skënderbeu sipas Osmanit, është frymëzim i rezistencës dhe i luftës për liri në të gjitha periudhat.

Por mbi të gjitha, sipas saj, ai mbetet modeli unik i përbashkimit të shqiptarëve dhe si i tillë do të kujtohet përherë!

Qoftë i përjetshëm kujtimi për kryestrategun tonë!/ arbresh.info/

LEXO EDHE

553 vjet nga vdekja e Skënderbeut – Arbresh.info

Lajmet më të lexuara