Pas takimit me liderët e partive politike lidhur me caktimin e datës së zgjedhjeve të jashtëzakonshme parlamentare, presidentja Vjosa Osmani po mban një konferencë për media.

Ajo tha se para nënshkrimit të dekretit për shpërndarjen e Kuvendit, u ka kërkuar partive që të kthehen sot në seancë për të votuar buxhetin për vitin 2026.

Ajo tutje tha se për keqardhje mungoi vullneti i partive politike.

“Pas dështimit të djeshëm në Kuvendin e Kosovës, për zgjedhjen e qeverisë, Kushtetuta kërkon që të shpërndahet Kuvendi, dhe vendi të shkojë në zgjedhje. Sot kam pranuar zyrtarisht vendimin e Kuvendit, ku konfirmohet edhe zyrtarisht një gjë e tillë, dhe menjëherë kam mbledhur partitë politike për konsultime. Mirëpo para se të nënshkruaj dekretin për shpërndarjen e Kuvendit, kam bërë përpjekjen e fundit që partitë parlamentare të kthehen edhe sot në Kuvend dhe të miratojnë së pari zgjatjet buxhetore”,, u shpreh Osmani./Arbresh.info