Presidentja e Kosovës, Vjosa Osmani, ka theksuar se Kosova mbetet gjithmonë mirënjohëse për shërbimin, sakrificën dhe përkushtimin e trupave të NATO-s, duke e cilësuar këtë mision si një simbol të bashkëpunimit dhe unitetit.

Në fjalimin e saj gjatë ceremonisë së ndërrimit të Komandës së KFOR-it, Osmani theksoi se Kosova dhe populli i saj janë përherë të angazhuar me vlerat e lirisë, demokracisë dhe sigurisë kolektive.

Ajo riafirmoi edhe aspiratën e Kosovës për t’u anëtarësuar në NATO dhe theksoi rëndësinë e vazhdimit të partneritetit dhe qëndrueshmërisë me aleatët për ruajtjen e paqes dhe stabilitetit.

“Në një kohë kur kërcënimet ndaj paqes po shumëfishohen, aleanca është më e fortë kur qëndron me partnerë që vërtet e kanë dëshmuar përkushtimin e tyre. Kosova e ka bërë këtë vazhdimisht, përmes qëndrueshmërisë sonë, reformave tona dhe vendosmërisë së popullit tonë. Dhe ne do të vazhdojmë ta bëjmë këtë përkrah aleatëve tanë, sepse vetëm së bashku mund të sigurojmë që paqja e fituar me mund sot të bëhet paqja e qëndrueshme e nesër. Por duhet ta bëjmë të qartë: ka nga ata që përpiqen të zhbëjnë gjithçka që kemi arritur, që duan të na kthejnë pas në të shkuarën. Për ta, përgjigjja jonë duhet të jetë e vendosur. Pajisja me lëshime ndaj diktatorëve dhe autokratëve nuk mund të jetë përgjigjja, sepse historia e tregon këtë herë pas here. Partneriteti nuk mund t’u jepet atyre që kryejnë agresion ndaj fqinjëve.”, tha ajo./Arbresh.info