Sot në Burgun e Sigurisë së Lartë, Zëvendësuesi i Drejtorit të Përgjithshëm të Shërbimit Korrektues të Kosovës, Rasim Selmani, së bashku me Zevendësuesin e Drejtorit të BSL-së, Burim Buleshkaj pritën në takim Shefin e OSBE-së në Kosovë, ambasadorin, Michael Davenport.

Gjatë takimit, diskutuan lidhur me vazhdimin dhe thellimin e bashkëpunimit në mes të dyja institucioneve, për të arriturat dhe sfidat e SHKK-së, reformat, menaxhimin dhe parandalimin e pandemisë, brenda institucioneve korrektuese, për stafin korrektues dhe të burgosurit.

Davenport, shprehu gatishmërinë për të rritur mbështetjen në trajnime profesionale dhe pajisje për Shërbimin Korrektues të Kosovës.

Zëvendësuesi i Drejtorit të Përgjithshëm të SHKK- së, Selmani, falënderoi, ambasadorin Davenport për përkrahjen dhe mbështetjen që misioni i OSBE-së, i ka dhënë dhe po vazhdon t’i jap SHKK-së në të gjitha fushat.

Pas takimit, Selmani dhe Davenport vizituan stafin korrektues, stafin shëndetësorë, hapësirat dhe punëtoritë e të burgosurve brenda BSL-së./Arbresh.info/