Pjesëtarët e Forcës së Sigurisë së Kosovës Nënkolonel Liridon Poroshtica dhe Major Ardian Ramadani kanë përfunduar me sukses të lartë kursin “War Game Designer Course” në SHBA.

FSK njofton se ky  kurs ka për qëllim zhvillimin e dizajnerëve strategjik të lojës së luftës e cila do të përdoret për nevoja të Forcave të Armatosura dhe Ministrive të Mbrojtjes në krijimin dhe zhvillimin e strategjive të dalura nga planifikimet dhe nevojat për zhvillimin e Forcës.

“Gjatë këtij kursi oficerët në fjale kanë përfituar njohuri të veçanta në teoritë dhe teknikat e krijimit të një loje të luftës në mënyrë profesionale. Në fund të kursit pjesëmarrësit krijojnë lojën e tyre ku oficerët tanë kanë krijuar një lojë strategjike me fokus të mbrojtjes së territorit të Kosovës ku edhe është përzgjedhur si loja më e mirë e dizajnuar dhe zhvilluar për këtë gjeneratë”, thuhet në njoftimin për media nga FSK-ja./Arbresh.info/