Tashmë thuajse është bërë traditë për nxënësit dhe stafin e mësimdhënësve të shkollës “Vëllezërit Frashëri” të Vragolisë që të ndajnë dhurata për festat e fundvitit.

Në kuadër të iniciativës ‘T’, nxënësit e shkollës bashkë më kolektivin shkollor, tash e një muaj kanë organizuar grumbullimin e gjësendeve për tua shpërndarë fëmijëve dhe familjeve në nevojë, njofton Klan Kosova.

“Nxënësit u përkujdesën që të mbledhin sa më shumë veshmbathje, lodra, mjete shkollor, ushqime e gjërat tjera elementare, për tua dërguar bashkëmoshatarëve të tyre”, ka thënë Fisnik Sllamniku, përgjegjës i shkollës.

Sllamniku, tregoi se bashkë me nxënësit dhuratat e grumbulluara janë dërguar tek disa familje të Fushë Kosovës, dhe në sisa fshatra në rrethinë të komunës si në Bardhë i Madh, Bardh i Vogël, Mesbardh, Sllatinë.

“Shpresojmë se familjarët dhe prindërit e nxënësve, së bashku me mësimdhënësit të kontribuojnë edhe në vazhdimësi në grumbullimin e gjësendeve që janë të nevojshme për familje në nevojë. Kjo, kryesisht është iniciativë që besojmë se do ta zgjerojmë edhe nëpër shkollat tjera”, ka thënë përgjejgësi i Shkollës “Vëllezërit Frashëri” në Vragoli, Fisnik Sllamniku.