Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës informon se nga 928 testime, 28 qytetarë kanë rezultuar pozitiv me virusin COVID-19.

“Gjatë 24 orëve të fundit është shënuar një rast i vdekjes. Sot janë shëruar 30 qytetarë, derisa numri i përgjithshëm i të shëruarve është 224.030.Në total numri i rasteve aktive është 541. Në 24 orët e fundit janë dhënë 183 doza të vaksinës kundër COVID-19”, thuhet në njoftim.

Sipas MSH-së, nga fillimi i vaksinimit në të gjitha qytetet e Kosovës janë dhënë 1.823.626 doza të vaksinës.

“Deri më sot 821.061 qytetarë janë vaksinuar me dozën e dytë. Deri më sot janë dhënë 100.552 doza përforcuese dhe doza të treta të vaksinës kundër COVID-19”, thuhet tutje në njoftim./arbresh.info/