Ministria e Financave ka njoftuar se kanë filluar vizitat në terren për Pilotimin e Reformës së Skemës së Asistencës Sociale.

Sipas njoftimit, gjatë vizitave, punëtorët socialë i parashtrojnë disa pyetje familjes aplikuese për Pilotimin e SAS-it për të bërë vlerësimin e standardit jetësor dhe verifikimin e të dhënave për kushtet e jetesës të vetdeklaruara në formën e aplikimit, shkruan Arbresh.info.

MF njoftoi se familjet fillimisht do të kontaktohen nga zyrtarët e Qendrës për Punë Sociale për të aranzhuar vizitën.

“Nëse ju duhen sqarime shtesë lidhur me këtë proces, ju mund të kontaktoni qendrën e thirrjeve të krijuar për këtë qëllim në njërin nga numrat e mëposhtëm:  +383 (0) 38 200 34289 +383 (0) 38 200 34287  Kujtojmë se nga Pilotimi i Skemës së Asistencës Sociale mund të përfitojnë familjet e varfra dhe ato në kushte të rënda ekonomike, si vazhdimësi e skemës së ndihmës sociale ekzistuese, me dallimin që hiqen kriteret diskriminuese.”, thuhet në njoftim.

“Aplikimi për Pilotimin e Skemës së Asistencës Sociale vazhdon të jetë i hapur. Për të aplikuar, duhet të vizitoni platformën eKosova, përkatësisht vegëzën: https://ekosova.rks-gov.net/.”, thuhet tutje./Arbresh.info/