Ad Banner
Ad Banner
Ad Banner
Ad Banner

Ngritet aktakuzë ndaj Shpend Ahmetit

20:50 | 5 Korrik 2023
K.B

Ish-kryetarit të Komunës së Prishtinës, Shpend Ahmeti, i është ngritur aktakuzë.

Në aktakuzën e Prokurorisë Themelore thuhet se Ahmeti nuk e respektoi aktvendimin e Gjykatës së Apelit dhe urdhrin përmbarimor për këmbimin e pronave të të dëmtuarit Mefail Cakolli, në bazë të vendimit të Kuvendit Komunal të Prishtinës, me ç ‘rast akuzohet për veprën “Mos ekzekutim i vendimeve gjyqësore”.

Tutje thuhet se nga viti 2017 deri në vitin 2019, Ahmeti nën cilësinë e kryetarit, në mënyrë të kundërligjshme e ka dëmtuar pronën e Cakollit, duke vendosur përreth parcelës, shtylla të bentonit, pengesa për hyrje me veturë në pronë, ndërsa dëmtimi është bërë edhe në anën tjetër, duke i pamundësuar palës shfrytëzimin e pronës së tij.

Për këtë Ahmeti akuzohet për veprën penale “Uzurpim i paligjshëm i pronës së paluajtshme.


Shpërndaje në rrjete sociale

Lajmet më të lexuara

Të ngjashme

Ad Banner

Foto lajm