Nesër Kuvendi i Kosovës do të mbajë seancë të jashtëzakonshme me ftesë të opozitës.

Seanca pritet të zhvillohet nga ora 12, përcjell Arbresh.info.

Kështu bëri të ditur, deputetja nga radhët e Partisë Demokratike të Kosovës, Eliza Hoxha, e cila njoftoi se qëllimi i thirrjes së kësaj seance është çështja e furnizimit me libra.

“Shkollat janë të papërgatitura, nxënësit nuk kanë tekste shkollore e materiale mësimore, ndërsa familjet e prindërit janë të braktisur. Mbi 200 mijë nxënësve nuk do t’iu ofrohen në shkolla tekstet falas, ashtu siç e përcakton ligji dhe ashtu siç ka ndodhur për më shumë së një dekadë”, tha Hoxha

“Pasojat e paaftësisë dhe dështimit të kësaj qeverie, po i vuajnë mbi 200 mijë nxënës, mijëra prindër e mësimdhënës. Gjendja është e jashtëzakonshme dhe kërkon veprime urgjente. Prandaj, ne, deputetët e opozitës – anëtarë të Komisionit për Arsim, të mbështetur nga deputetët e tjerë, kemi iniciuar thirrjen e Seancës së Jashtëzakonshme të Kuvendit e cila do të mbahet të hënën, më 04 shtator”, shtoi ajo./Arbresh.info.