Kuvendi i Kosovës ka shtyrë seancën për ratifikimin e Demarkacionit me Malin e Zi, për ditën e nesërme ku pritet të filloj në orën 10:00. Mirëpo kjo seancë pritet të shoqërohet me një protestë pranë Kuvendit të Kosovës, raporton Insajderi.

Fondacioni i Kosovës për Inovacion, ka thirrur një protestë për të kërkuar votimin e demarkacionit dhe t’i hap rrugë lëvizjes së lirë të qytetarëve në vendet e Bashkimit Evropian, (BE).

“Në emër të Fondacionit të Kosovës për Inovacione – iFOK, ftoj OJQ-të e Kosovës për bashkëpunim në organizimin e protestës gjithpopullore para Kuvendit të Kosovës lidhur me përkrahjen e votimit të Demarkacionit në Kuvend – për t’i hapur rrugë lëvizjes së lirë të qytetarëve tanë në vendet e BE-së”, thuhet në njoftimin e këtij Fondacioni.

Seanca e Kuvendit të Kosovës për shqyrtimin dhe hedhjen në votim të projektligjit të Demarkacionit me Malin e Zi është shtyrë për ditën e nesërme me fillim nga ora 10:00.