Nëkryetari i PDK-së reagon pas dëmtimit të banerit të Veselit e Thaçit: Kemi qytetarë qyqarë

08:39 | 9 Nëntor 2020
Arbresh.info

Nënkryetari i PDK-së, Shaqir Totaj ka reaguar pas dëmtimit të banerave ku shihet Kadri Veseli e Hashim Thaçi.

Totaj ka thënë se kushdo ta ketë bërë ketë veprim, në fakt tregon shumë për personalitetin dhe karakterin e tij, që në asnjë mënyrë nuk mund të jetë për t’u krenuar, shkruan Arbresh.info.

Në reagim e tij në Facebook ai ka pyetu se cili baner do t’u pëlqente nëse jo i çlirimitarëve.

Ky është reagimi i plotë:

Në rrugën Prishtinë – Mitrovicë shkyhen banerët me foto të Presidentit Thaçi dhe Kryetarit Veseli!
Kushdo ta ketë bërë këtë veprim, në fakt tregon shumë për personalitetin dhe karakterin e tij, që në asnjë mënyrë nuk mund të jetë për t’u krenuar.
Kemi qytetarë qyqarë apo janë akoma me filozofinë e robit dhe nuk e durojnë dot lirinë ?!
Jam kureshtar me ditë cili baner do t’u pëlqente, nëse jo i ÇLIRIMTARËVE?