Në Spitalin e Përgjithshëm të Pejës, janë duke u trajnuar 100 pacientë me coronavirus.

Sipas njoftimit për medie, në këtë spital me oksigjeno-terapi janë duke u trajtuar 66 pacientë të infektuar me COVID-19, ndërsa në gjendje më të rëndë janë 19 pacientë.

“8 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. 100 pacientë janë duke u trajtuar aktualisht me Covid-19. Sa i përket gjendjes së pacientëve: 4 Pacientë janë në Respirator (CPAP), 66 pacientë janë në Oksigjeno terapi ndërsa nga këta 19 pacientë janë në gjendje më të rëndë”, thuhet në komunikatë.

Përndryshe gjatë 24 orëve të fundit në Spitalin e Përgjithshëm në Pejë, 168 pacientë kanë marrë trajtim emergjent shëndetësorë, dhe nga këta 21 pacientë janë shtrirë për trajtim të mëtutjeshëm.

“3 lindje kanë qenë gjatë gjatë ditës së djeshme në Spitalin e Përgjithshëm në Pejë, 1 normale dhe 2 me prerje cezariane. Kanë lindur 3 foshnje, 1 i gjinisë mashkullore dhe 2 të gjinisë femërore. 236 pacientë kanë kryer analiza, që në total kanë bërë 3,499 analiza, ndërsa janë kryer 8 operacione”, thuhet në komunikatë. /Arbresh.info/