Ministrja e Arsimit, Arbërie Nagavci përmes një postimi në llogarinë e saj në Facebook, ka njoftuar se ka nisur periudha e dytë e vitit shkollor, si dhe ka uruar të gjithë nxënësit e mësimdhënësit.

“Nga shkolla “Faik Konica” në Prishtinë përcolla urimet për mbarësi e suksese në periudhën e dytë të vitit shkollor për të gjithë nxënësit, mësimdhënësit e stafin tjetër të përfshirë në procesin mësimor”, ka shkruar Nagavci.

Ajo ka kërkuar zbatimin e masave anti-Covid, duke potencuar faktin se mbarëvajtja e procesit mësimor varet nga të gjithë.

Postimi i saj i plotë:

Mbarëvajtja e procesit mësimor në këtë periudhë varet nga të gjithë ne.

Nga shkolla “Faik Konica” në Prishtinë përcolla urimet për mbarësi e suksese në periudhën e dytë të vitit shkollor për të gjithë nxënësit, mësimdhënësit e stafin tjetër të përfshirë në procesin mësimor.

Mësimi ka filluar në të gjitha shkollat, janë bërë pregatitjet e duhura për të zbatuar masat kundër pandemisë. Por, nuk mjafton vetëm kaq. Ne, të gjithë së bashku, duhet t’i zbatojmë masat dhe rekomandimet e ekspertëve shëndetësorë, sepse kështu e ruajmë shëndetin e të gjithëve dhe sigurohemi që shkollat të presin nxënësit për çdo ditë dhe me orar të plotë.

Mbarësi e suksese për të gjithë!