Mustafa, Thaçi e Veseli lëshojnë sallën, teksa Princi ende nuk u rehatua

20:12 | 18 Mars 2016
M. A.

Nuk kanë kaluar shumë minuta prej kur Princi Charles dhe dukesha Cornwall kanë hyrë në sallën e koktejit, në të cilën janë pritur nga pozita, opozita e shoqëria civile e Kosovës, por dikush e ka lëshuar sallën shumë shpejt.

Kanë qenë kryeministri Isa Mustafa, presidenti në ardhje Hashim Thaçi dhe kryetari i Kuvendit të Kosovës, Kadri Veseli e kanë lëshuar sallën, transmeton Koha.net. Nuk dihet nëse ata kanë dalë përkohësisht nga salla, apo e kanë braktisur përfundimisht.

Kjo ka ndodhur teksa Prince Charles ende nuk i ka përshëndetur të gjithë të pranishmit në sallë.

Ndërsa presidentja e vendit, Atifete Jahjaga, që sonte shihet në shoqëri të bashkëshortit të saj, Astrit Kuçi, tashmë kanë kaluar tek tavolina e opozitës.