Ministri në detyrë i Financave, Hekuran Murati i ka reaguar kryetarit të Prishtinës, Përparim Rama pasi ky i fundit i kërkoi që të merrej me punët e veta.

Me anë të një postimi në Facebook, Murati i tha Ramës se njëra ndër punët e tij është edhe mbikqyrja dhe sigurimi që paraja publike shpenzohet sipas ligjit, përcjell Arbresh.info.

LEXO EDHE:

Murati: Shpallja e tenderit dhe nënshkrimi i kontratës 18 milionë euro për Sheshin Xhorxh Bush është bërë pa pasur buxhetin e nevojshëm

Postimi i plotë:

Përparim,

Njëra ndër punët e mia është edhe mbikqyrja dhe sigurimi që paraja publike shpenzohet sipas ligjit.

Me nënshkrimin e deklaratës së disponueshmërisë së fondeve, duke deklaruar se i keni të buxhetuara 18.4 milionë euro, kur në fakt keni pasur vetëm 10% të asaj vlere në buxhet, ju keni shkelur ligjin.

Me shpalljen e tenderit, dhe pastaj me nënshkrimin e kontratës, pa i pasur fondet në buxhet, ju përsëri keni shkelur ligjin.

Për 18 milionë euro.

Kurse sa u përket shkresave tuaja, besoj e keni marrë sqarimin tashmë disa herë nga stafi profesional i MFPT-së që buxheti i komunës mund të bëhet pjesë e Ligjit për Ndarje Buxhetore të vitit 2025, tek pasi Kuvendi të ketë miratuar ndryshim plotësimin e ligjit.

Kjo për shkak se ju jeni vonuar në miratim të buxhetit komunal sipas afateve ligjore.

Këto tashmë i dini, dhe kot bëheni se nuk i dini e shkruani shkresa. Injoranca ndaj ligjit nuk amniston shkeljen e ligjit./Arbresh.info