Ministria e Financave dhe Transfereve ka rritur fondin e pagave për këtë vit në 100 milionë euro.

Sipas ministrit Hekuran Murati, kjo rritje e këtij fondi i cili viteve të kaluara ka shkuar deri në 25 milionë, shënon edhe rritjen e rrogës mesatare në sektorin publik më 730 euro bruto, 110 euro më shumë se viteve të shkuara, raporton arbresh.info

“Me rritjen e kapaciteteve të fondit të pagave në 100 milionë euro, fond i cili viteve të kaluara ka qenë 20 deri në 25 milionë, arrihet edhe rritja e pagave mesatare bruto në vend në 730 euro, 110 më shumë se sa që ishte viteve të kaluara.”, tha Murati.

Në mbledhjen e sotme të Qeverisë u vendos edhe për vlerën e koeficientit të pagave, e cila do të jetë 105 euro dhe e vlefshme deri në vitin 2024, atëherë kur ajo do të ngritet në 110 euro.

Në këtë mbledhje u bë e ditur nga kryeministri Kurti se së shpejti do të rritet edhe paga minimale në vend, e cila më së shumti vlen për sektorin privat./arbresh.info/

lexo edhe:

LAJMI I FUNDIT/ Vlera e koeficientit të pagave do të jetë 105 euro