Ministria e Punëve të Brendshme ka reaguar sot me një komunikatë ndaj akuzave të djeshme të Aleancës për Ardhmërinë e Kosovës dhe i ka quajtur të pabaza pohimet e kësaj partie se MPB është duke keq-qeverisur.

“Ministria e Punëve të Brendshme është duke punuar me përkushtim që të krijojë rend dhe ligj për të gjithë qytetarët e Republikës së Kosovës.

Po ashtu, MPB ka prioritet rregullimin e statusit ligjor të zjarrfikësve, si dhe së shpejti Qeveria do të miratojë ligjin e ri për pagat, me të cilin ligj do të rregullohen edhe pagat e zjarrfikësve si dhe punëtorëve të tjerë të të gjitha agjencive të MPB-së.

Gjithashtu, MPB posedon të gjitha strategjitë dhe koordinator nacional i këtyre strategjive është ministri i Punëve të Brendshme”, thuhet në komunikatën e MPB-së./Arbresh.info/