Të shtunën parashihet të mbajë mot me diell dhe vranësira të cilat gjatë ditës vende-vende do të sjellin riga shiu dhe shkarkime rrufesh.

Temperaturat minimale do të lëvizin ndërmjet 15-19 gradë Celsius, ndërsa maksimalet  e ditës parashihen të lëvizin ndërmjet 30-34 gradë Celsius, përcjell Arbresh.info.

Do të fryjë erë e lehtë dhe lokalisht e fortë nga drejtimi i verilindjes dhe jugperëndimit

Të dielën parashihet të mbajë mot me diell dhe vranësira të cilat vende-vende do të sjellin riga shiu dhe shkarkime rrufesh. Disa zona rrezikohen nga breshëri.

Temperaturat minimale do të lëvizin ndërmjet 15-18 gradë Celsius, ndërsa maksimalet e ditës parashihen të lëvizin ndërmjet 30-33 gradë Celsius.

Do të fryjë erë nga veriperëndimi e lehtë dhe lokalisht e fortë. /Arbresh.info