Molliqaj: Kërcënimet ndaj meje të inkurajuara nga mosveprimi i policisë

00:37 | 8 Maj 2017
Trina Galanxhi

Sekretari Organizativ i Vetëvendosje, Dardan Molliqaj ka publikuar disa mesazhe që kanë shkuar në adresë të tij, e nga të cilët ai ndjehet i kërcënuar.

“Vëllai i Drejtorit të Operacioneve të Policisë së Kosovës, Rashit Qalajt, tash paska gënjyer publikisht se nuk më ka kërcënuar. Por unë po i paraqes edhe gënjeshtrën e tij edhe kërcënimin fillestar”, ka shkruar Molliqaj, transmeton Klan Kosova.

“Ndërkohë, mbrëmë mora kërcënim nga profili i njëjtë me atë që më kishte kërcënuar një natë para sulmit ndaj meje dhe Agronit, në muajin mars. Kësaj radhe kërcënuesit po thojnë që më kanë përcjellur tërë kohës”, ka shtuar ai.

Krejt këto kërcënime sipas tij janë të inkurajuara nga mosveprimet e policisë.

“Por asnjë nga këto kërcënime nuk do të na ndalin në synimin tonë për ta çliruar shtetin nga kriminelët”, ka theksuar ai.

kercenimi