Mitrovicë, vdes një person pasi humb kontrollin e traktorit

10:30 | 4 Maj 2021

Aksident me fatalitet ka ndodhur ditën e hënë në fshatin Vërrnicë të Mitrovicës, shkruan arbresh.info.

Policia njofton se drejtuesi mashkull derisa ishte duke trajtuar traktorin dyshohet se ka humbur kontrollin duke u rrokullisur, ku pas lëndimeve të marra ka ndërruar jetë.

Ndërsa mjeku kujdestar ka konstatuar vdekjen e tij.

“Fsh. Vërrnicë, Mitrovicë 03.05.2021-15:40. Ka ndodhur një (vet)aksident në të cilin ka qenë përfshirë një traktor. Drejtuesi mashkull kosovar derisa ishte duke drejtuar traktorin, dyshohet se ka humbur kontrollin, dhe ka dalë jashtë rrugës duke u rrokullisur, dhe për pasojë ka pësuar lëndime vdekjeprurëse. Njësitet policore kanë siguruar vendin e ngjarjes, ndërsa mjeku kujdestar ka konstatuar vdekjen e tij. Me urdhër të prokurorit trupi i pajetë i viktimës është dërguar në IML për Obduksion, rasti vazhdon të hetohet”, thuhet në raportin e policisë./arbresh.info/

Shpërndaje në rrjete sociale

Lajmet më të lexuara