Ministri i Administrimit të Pushtetit Lokal, Elbert Krasniqi, ka theksuar se do të bëhet pjesë e kabinetit të ardhshëm qeveritar vetëm nëse kryeministër do të jetë Albin Kurti.

Në një konferencë për media, Krasniqi ka nënvizuar se gjatë këtij mandati ka pasur një partneritet të shkëlqyer me kryeministrin Kurti.

Ministri ka komentuar gjithashtu për qasjen e kushtëzimit ndërmjet partive, duke e cilësuar atë si një mënyrë të gabuar për bashkëpunim.

“Po, do të jem pjesë e një koalicioni të ardhshëm e tash është mirë i definuar ky partneritet. S’ka asnjë dyshim se do të jem pjesë e koalicionit të ardhshëm qeveritar, e do të jetë vetëm pjesë e një koalicioni ku kryeministër është Albin Kurti. Nuk besoj që qasja e kushtëzimit të ndërsjellë është qasja e duhur për bashkëpunim. Qasja e kushtëzimit nuk është qasje që e preferoj në politikë”, u shpreh ai./Arbresh.info