Ministri i Drejtësisë, Selim Selimi ka takuar sot kryeprokurorin e shtetit Aleksandër Lumezi.

Përmes një njoftimi për media, Ministri Selimi ka bërë të ditur se si simbolikë të parimit dhe motos “politika duart larg nga drejtësia”, gjatë vizitës  Kryeprokurorit të  Shtetit, i ka dhuruar  një top basketbolli.

Njoftimi i plotë:

Pasi që ka qenë basketbollist, Kryeprokurorit Aleksander Lumezit, si simbolikë të parimit dhe motos “politika duart larg nga drejtësia”, gjatë vizitës sime në Prokurorinë e Shtetit, i dhurova një top basketbolli, duke theksuar se topi është në fushën e institucioneve të sundimit të ligjit. Në takim shprehëm vullnetin e dyanshëm për bashkëpunim për avancimin e sistemit të drejtësisë dhe bashkërëndim për fuqizimin e sundimit të ligjit. E sigurova, Kryeprokurorin se do të jem zëri i tyre në Qeveri dhe Kuvendin e Kosovës, veçanërisht për buxhetin dhe çështjet që lidhen me krijimin e kushteve për funksionim efektiv e të pavarur të Prokurorisë së Shtetit, si pjesë e sistemit të drejtësisë./arbresh.info/