Kandidatja e Lëvizjes Vetëvendosje për kryetare të Gjakovës, Mimoza Kusari-Lila ka marrë më së shumti vota nga diaspora, gjithsej 289.

Kjo është bërë e ditur nga Qendra e Numërimit dhe Rezultateve. Kandidati për kryetar nga ana e AAK-së, Ardian Gjini, gjithsej 178 vota.

I treti me më së shumti vota është Ferdinant Kolaj i PSHDK-së me 128  vota.

Kandidati nga radhët e LDK-së, Teki Shala ka marrë 89 vota, ndërsa kandidatja e PDK-së, Arbneshë Kuqi ka marrë 27 vota.

Pa asnjë votë ka mbetur kandidati i Nisma-s, Fazli Hoxha.

Kujtojmë që në zgjedhjet e 17 tetorit, kandidati i AAK’së, Ardian Gjini ka arritur të marrë më së shumti vota, 46 për qind apo 18 mijë e 382 vota.

Pas tij, Mimoza Kusari-Lila ka marrë 37,8 për qind apo 14 mijë e 819 vota.

Gjini dhe Kusari-Lila do të takohen në balotazh. /arbresh.info/