Me masa sigurie është sjell para gjykatës një nga organizatorët e sulmeve ndaj pjesëtarëve të KFOR-it dhe Policisë, Milun Milenkovic-Llune.

Ai sot u soll përpara Departamentit të Krimeve të Rënda të Gjykatës Themelore të Prishtinës.

“Llune” u shoqërua nga Policia dhe një patrullë e shtuar.

Lajmin për arrestimin e të dyshuarit Milenkoviq e bëri të ditur dje ministri i Punëve të Brendshme, Xhelal Sveçla.

Sveçla tha se Milun Milenkovic- Llune është një nga organizatorët e sulmeve ndaj pjesëtarëve të KFOR-it.

“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan”, njoftoi ministri.

Gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë./Arbresh.info/

Prokuroria Speciale kërkon masë paraburgimi për Millenkoviqin që u arrestua në veri