Ministria e Financave, Punës dhe Transfereve ka njoftuar se reforma e asistencës sociale parasheh mbështetjen e punësimit për familjet në nevojë.

Sipas kësaj ministrie, personat e përzgjedhur si përfitues të pilotimit të Reformës së Asistencës Sociale njoftohen se: Të gjithë anëtarët e familjes tuaj që janë të aftë për punë duhet të regjistrohen në Zyrën e Punësimit brenda 30 ditëve pune, raporton Arbresh.info

“Ministria e Financave, Punës dhe Transfereve njofton të gjithë përfituesit e pilotimit të Reformës së Asistencës Sociale se duhet të ndjekin hapat e domosdoshëm për të vazhduar përfitimin nga programi. Personat e përzgjedhur si përfitues të pilotimit të Reformës së Asistencës Sociale njoftohen se: Të gjithë anëtarët e familjes tuaj që janë të aftë për punë duhet të regjistrohen në Zyrën e Punësimit brenda 30 ditëve pune. Ky është një hap i domosdoshëm për të vazhduar përfitimin nga programi”, bënë të ditur ministria e Financave.

Po ashtu, ky institucion, njofton se këshilltarët e tij të punësimit janë në Zyrat e Punësimit për t’i mbështetur përfituesit në procesin e aktivizimit në tregun e punës.

“Këshilltarët tanë të punësimit janë në Zyret e Punësimit për t’ju mbështetur në procesin e aktivizimit në tregun e punës, përmes masave si subvencionimi i pagës dhe trajnime profesionale deri në integrimin tuaj në tregun e punës”, thuhet tutje në njoftim./Arbresh.info/