Ministri i Punëve të Jashtme Enver Hoxhaj, ka zhvilluar takim me kryetarin e Kuvendit të Shqipërisë, Ilir Meta, transmeton arbresh.info

Gjatë takimit u bisedua për bashkëpunim dypalësh dhe zhvillimeve të fundit në rajon.

Meta, shprehu angazhimin e Shqipërisë në funksion të njohjeve të shtetit të Kosovës, por përmendi Kosovën si ‘vend fqinj’.

“Shqipëria e ka për detyrë angazhimin e saj të gjithanshëm në funksion të njohjeve të shtetit të Kosovës, pjesëmarrjes dhe anëtarësimit të saj në organizatat ndërkombëtare dhe në shërbim të konsolidimit të perspektivës euro-atlantike të vendit fqinj”, ka thënë Meta.

Më tej, ai theksoi se organi që ai drejton mbështet punën e përbashkët të dy Qeverive respektive në funksion të përmirësimit të cilësisë së partneritetit strategjik mes dy vendeve.

NdërsaHoxhaj, shprehu mirënjohjen për mbështetjen e shtetit shqiptar dhe në veçanti të Kryetarit të Kuvendit ndaj rritjes së përfaqësimit të Kosovës në platformat rajonale dhe ndërkombëtare, veçanërisht në forumet ndër parlamentare.