Ministri i Mbrojtjes, Armend Mehaj, thotë se investimi në ushtri është prioriteti ynë.

“Do të kemi një forcë sipas standarteve të NATO-s. Sot po i shtohen 257 ushtarë më shumë, gardian të lirisë, paqesë dhe sovranitetit tonë”, deklaroi Mehaj.

Ai nuk ka harruar të përmend lavdinë e Ushtrisë Çlirimtare të Kosovës dhe Komandantin Legjendar, Adem Jashari, krahas aspiratave për anëtarësim në NATO.

“Kur e shohim nga keni ardhur e shohim Ushtrinë Çlirimtare të Kosovës, kur e shohim nga po shkojmë e shohin NATO-n. Edhe këtu ku jemi sot edhe aty ku duam të arrijmë nuk do të ishte e mundur pa Ushtrinë Çlirimtare të Kosovës. Trimërinë e guximin e kemi në qeniet tona, lirinë e atdheut e duam më shumë se sa veten, prandaj i shërbejmë gjithë jetën. Do keni shumë komandantë, por një e kemi të përhershëm, Komandantin Legjendar, Adem Jashari”, deklaroi Mehaj.

Këto komente ai i bëri në ceremoninë e betimit  të ushtarëve të rinj të FSK-së./arbresh.info/