Sot mbahen zgjedhjet e parakohshme për Kuvendin e Kosovës dhe kjo ngjarje ka kapur vëmendjen e medieve ndërkombëtare.

Rrjeti televiziv me seli në Francë, Euronews, shkruan se zgjedhjet erdhën pasi Ramush Haradinaj dha dorëheqje nga posti i kryeministrit pas ftesës që mori nga Gjykata Speciale.

Ndërsa Korporata Britanike e Transmetimeve, BBC, i ka kushtuar një artikull të gjatë kësaj ngjarjeje duke prezantuar kandidatët për kryeministër.

BBC shkruan edhe për zhvillimet e fundit politike në vend, duke përmendur tensionet midis Prishtinës dhe Beogradit si dhe taksën prej 100 për-qind që është vendosur ndaj produkteve që vijnë nga Serbia, , transmeton Klan Kosova.

Ndërsa televizioni indian News18 tregon për rrugëtimin që Kosova ka bërë që nga koha e luftës e deri te shpallja e pavarësisë.