“Më thirri presidentja e Kosovës, Vjosa Osmani, i dridhej zëri, kërkonte ndihmë. Ajo më tha se kishte probleme në aeroportin e Shkupit dhe se ishte ndarë nga fëmijët që ishin gjithashtu në aeroport”.

Kështu ka deklaruar, sot, kryetari i Kuvendit, Afrim Gashi për incidentin që i ka ndodhur presidentes së Kosovës, Vjosa Osmani, në aeroportin e Shkupit më 1 gusht, shkruan media “Zhurnal”.

“Më thirri presidentja e Kosovës, Vjosa Osmani, i dridhej zëri, kërkonte ndihmë. Ajo më tha se kishte probleme në aeroportin e Shkupit dhe se ishte ndarë nga fëmijët që ishin gjithashtu në aeroport. Më tha se fëmijët ishin shumë të frikësuar dhe po qanin. Më duhej të ndihmoja. Nuk e di se cili person nuk do të ndihmonte nëse dikush lutet për ndihmë”, tha Gashi duke shpjeguar se si ndodhi incidenti në aeroportin e Shkupit.

Pyetjes së një gazetari nëse kryetari i Kuvendit ka kompetencë të dërgojë sigurinë për zgjidhjen e incidenteve në aeroport, ai është përgjigjur se në përshkrimin e detyrës së Kryetarit të Kuvendit nuk përfshihet mbajtja e brifingjeve me gazetarët, por ai po i mban.

“Të gjithë duhet të respektojmë ligjet. Më kërkohet me ligj kur duhet të shkoj diku për të njoftuar personelin tim të sigurisë. Doja të shkoja personalisht në aeroport dhe të zbardhja incidentin, por më pas u caktua një seancë në Parlament dhe më thirrën në atë takim. Për këtë arsye sigurimi im është dërguar atje, sepse plani ka qenë që unë ta zbardh incidentin personalisht”, tha Gashi.

LEXO EDHE:

Aeroporti i Shkupit reagon pas incidentit ndaj Osmanit: Kemi obligim ligjor t’i kontrollojmë të gjithë pasagjerët

Presidenca për incidentin në Shkup: Osmani refuzoi t’ua japë veç telefonin – skandaloze të pretendohet se kishe diçka të dyshimtë në çantë

Vazhdojnë hetimet në Maqedoninë e Veriut për incidentin me presidenten e Osmani

Kosova notë proteste Maqedonisë së Veriut, pasi u pengua presidentja Osmani në Aeroportin e Shkupit