Deri sot në orën 16:00 mbi 32 mijë prindër kanë aplikuar në eKosova për subvencionim të librave.

Zëvendësministri i Arsimit, Taulant Kelmendi, përmes një postimi në Facebook ka konfirmuar një gjë të tillë, shkruan A.

Sipas tij, sistemi po funksionin mirë.

“Në platformën eKosova për subvencionimin e teksteve dhe materialeve shkollore deri në ora 16:00 janë pranuar 32,800 aplikime. Sistemi është duke funksionuar mirë dhe me mbështetjen e MPB-së dhe AShI-së ekipet do të ofrojnë shërbim për mbështetje teknike edhe ditëve të fundjavës prej orës 09 deri në 16 në numrin 0800 30 900”, ka shkruar Kelmendi.

Ai po ashtu ka dhënë një sqarim të shtunën për prindërit të cilët nuk po mund të aplikojnë për subvencionimin e blerjes së teksteve shkollore për fëmijët e tyre që janë nën 6 vjet.

“Sistemi është duke funksionuar mirë dhe me mbështetjen e MPB-së dhe AShI-së ekipet do të ofrojnë shërbim për mbështetje teknike edhe ditëve të fundjavës prej orës 09 deri në 16 në numrin 0800 30 900. Shtëpitë botuese tashmë i kanë publikuar çmimet e kopertinës së librave dhe ato nuk mund rriten. Po ashtu kanë publikuar pikat e shitjes për të gjitha Komunat. Rastet e veçanta kur një fëmijë është regjistruar më herët se mosha 6 vjeçare në klasën e parë po trajtohen duke e dërguar numrin personal të fëmijës, emrin e shkollës dhe Komunën në emailin [email protected]”.

Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre./Arbresh.info/