Ministri në detyrë i Mbrojtjes, Ejup Maqedonci ka zhvilluar një takim me ushtruesen e detyrës së Kosovës, Albulena Haxhiu, ku u riafirmua përkushtimi institucional për forcimin e kapaciteteve mbrojtëse dhe avancimin e subjektivitetit ndërkombëtar të Republikës së Kosovës.

Gjatë takimit, Maqedonci prezantoi të arriturat e këtij mandati, duke theksuar se janë katërfishuar investimet në mbrojtje, është dyfishuar numri i ushtarakëve dhe është zgjeruar shkollimi i oficerëve në akademitë më prestigjioze ushtarake në botë.

Po ashtu, në takim u diskutua edhe për situatën e sigurisë, kontributin e Kosovës në sigurinë globale, mbështetjen për Ukrainën, zbarkimin humanitar në Gaza si dhe aspiratën strategjike të Kosovës për anëtarësim në NATO.

Në fund, u theksua se vetëqëndrueshmëria, zhvillimi i mbrojtjes gjithëpërfshirëse dhe industria e mbrojtjes mbeten prioritete strategjike për Republikën e Kosovës./Arbresh.info