Ka filluar sesioni i dytë për këtë vit i  dhurimit të gjakut në Ministrinë e Mbrojytjes dhe FSK.

Këtij aktiviteti i është përgjigjur pozitivisht stafi personeli civil dhe ishtarak i Ministrisë së Mbrojtjes, ku nga grumbullimi i gjakut shpëtohen jetë, shkruan Arbresh.info.

Këtij aksioni vullnetar i është bashkuar edhe ministri i Mbrojtjes, Ejup Maqedonci i cili dhuroi gjak bashkë me stafin e tij.

Ai me këtë rast përgëzoi ushtarakët dhe stafin civil për gatishmërinë e tyre për të ndihmuar ata që janë në rrezik jete, duke shtuar se të dhurosh gjak është akt shumë i lartë human.

Sipas njoftimit, aksioni i dhurimit vullnetar të gjakut do të vazhdojë edhe në ditët në vijim nëpër të gjitha kazermat e FSK-së.

Dhurimi vullnetar i gjakut është aktivitet i planifikuar dy herë në vit në Ministri të Mbrojtjes dhe FSK dhe po ashtu, pjesëtarët e FSK-së gjithnjë janë të gatshëm t’u përgjigjen  kërkesave të Qendrës  Kombëtare të Kosovës për Transfuzionin e Gjakut për nevojat e rasteve emergjente.

Ndryshe, ky aktivitet është në kuadër të bashkëpunimit në mes Ministrisë së Mbrotjes, FSK-së me Qndrën Kombëtare të Kosovës për Transfuzionin e Gjakut./Arbresh.info