Ministri i Punëve të Brendshme, Flamur Sefaj ka raportuar sot në Komisionin Parlamentar për Punë të Jashtme lidhur me anëtarësimin e Kosovës në Interpol.

Majori i Policisë së Kosovës, Veton Elshani tha me këtë rast se problemi ka qenë që nuk kanë mundur të llogarisin sa vota i kanë kundër për anëtarësim në Interpol.

“Kur kemi hy në analizë të thellë ne kemi qenë në minus gjashtë vota. A ka qenë momentum politik nuk është e jemja me e thënë”, ka thënë ai Elshani ka shtuar se tash kanë një koordinim më të mirë me të gjithë.

Sipas tij, Serbia dhe shtetet e tjera janë duke lobuar që ne mos të jemi në agjendë për tu anëtarësuar.

“Jemi në konsultim me personalitete vendore dhe nderkombëtare për lobim”, ka shtuar ai.

Kurse sa i përket heqjes së emrave në listën e Interpolit të cilët kanë qenë më herët ai ka thënë se asnjë nuk ëhstë në kërkim për arsye se i kemi larguar të gjithë.

“Kjo ka marrë një vit kohë. Tash ka ankesa prej anës serbe qe me i kthy këto lista. Është duke u bërë luftë e madhe që me na gjet gabim në hapa”, ka shtuar Elshani.

Ndërkohë, ministri Sefaj tha se janë duke lobuar fuqishëm tek shtetet e tjera për anëtarësim në këtë organizatë të madhe ndërkombëtare./Arbresh.info