Deputeti nga radhët e Partisë Demokratike të Kosovës, Mergim Lushtaku ka reaguar pas zjarrit që ka rënë në Institutin e Mjekësisë Ligjore.

Ai ka ndarë një fotografi të Institutit, gjatë kohës së djegies ndërsa ka pyetur se kujt po i pengon Instituti i Mjekësisë Ligjore.

“Kujt po i pengon Instituti i Mjekësisë Ligjore në Prishtinë?”, shkruan ai në Facebook, raporton Arbresh.info

Një zjarr ka përfshirë objektin e Institutit të Mjekësisë Ligjore (IML) në orët e hershme të mëngjesit në Prishtinë.

Policia bën të ditur se dy zyre janë përfshirë nga zjarri në Institutin e Mjekësisë Ligjore të Kosovës (IML).

Zv.Komandanti i Brigadës së Zjarrfikësve në Prishtinë, Abdusamed Shkodra për Arbresh.info tha se zjarri ka rënë rreth orës 7:56.

“Rreth orës 7:56 minuta brigada e zjarrfikësve ka pranuar një informatë se objekti o Institutit të Mjekësisë Ligjore është i përfshirë nga zjarri. Zjarrfikësit menjëherë kanë dalur në vendin e ngjarjes , kanë intervenuar, për një kohë të shkurtër kanë futur zjarrin nën kontroll”, u shpreh ai./Arbresh.info/

LEXO EDHE:

Zv.Komandanti i Zjarrfikësve: Zjarri ka shkaktuar dëme materiale, nuk dihen shkaqet