Nesër, kryetari i Partisë Demokratike të Shqipërisë, Lulzim Basha do të takohet me kryetarin e Prishtinës, Shpend Ahmeti dhe kryetarin e Mitrovicës, Agim Bahtiri.

Gjithashtu gjatë ditës ai do të bëjë edhe homazhe te varri i ish-presidentit, Ibrahim Rugova, shkruan arbresh.info.

“Të martën, kryetari i Partisë Demokratike do të takohet me kryetarin e Prishtinës Shpend Ahmeti dhe atë të Mitrovicës Agim Bahtiri.

Basha do të zhvillojë homazhe pranë varrit të presidentit Ibrahim Rugova, varrit të Isa Boletinit në Boletin, si dhe do të zhvillojë homazhe te Memoriali i Jasharëve në Prekaz.

Gjatë vizitës në Kosovë, kreu i PD-së do të shoqërohet nga Edi Paloka, nënkryetar i kësaj partie, Besnik Mustafa, ish-ministër i Jashtëm dhe kryetar i Këshillit të Ambasadorëve Shqiptarë, Kreshnik Çollaku, anëtar i Kryesisë së PDSH-së dhe Arben Çejku, ish-ambasador dhe drejtues i Qendrës Shqiptare për Mirëqeverisje”, thuhet në njoftim./arbresh.info/