Zëvendëskryeministri në detyrë, Fatmir Limaj, pas votimit ka uruar që në mbrëmje të kemi rezultat që i siguron perspektivë vendit.

“Jam i bindur se vota e sotme do t’i jep perspektivë, siguri dhe kjo mundësi duhet të shfrytëzohet maksimalisht nga të gjithë qytetarët e Kosovës dhe sonte në mbrëmje të kemi rezultat që i siguron perspektivë vendit tonë”, është shprehur Limaj.

Qytetarët e Kosovës po shfrytëzojnë sot të drejtën për të zgjedhur përfaqësuesit e Legjislativit dhe Ekzekutivit.

Lista përfundimtare e votuesve për zgjedhjet e parakohshme për Kuvendin e Republikës së Kosovës përmban 1,937,869 emra të votuesve, me dallim prej 111,733 votues më shumë, në krahasim me Zgjedhjet Lokale të datës 22 tetor të vitit 2017, shkruan arbresh.info.

Numri i Qendrave të Votimit (QV) është 895. Katër 4 qendra të votimit më pak se në zgjedhjet lokale, të datës 22 tetor të vitit 2017, dhe numri i vendvotimeve është 2 mijë e 547, pra janë 42 vendvotime më shumë se në zgjedhjet lokale të datës 22 tetor.

Për të votuar më 6 tetor votuesi duhet ta ketë me vete, për identifikim, ndonjërin nga këto 4 dokumente të Republikës së Kosovës:

1. Letërnjoftim i vlefshëm;
2. Pasaportë e vlefshme;
3. Dokument i vlefshëm i udhëtimit, dhe
4. Leje e vozitjes e vlefshme.

Ky vendim vlen për çdo anëtar të këshillit të vendvotimit dhe për çdo Komision Komunal të Zgjedhjeve në të gjitha komunat e Republikës së Kosovës./arbresh.info/