Limaj shprehet i shqetësuar për sulmin ndaj bashkëshortes së Stavilecit

19:24 | 28 Gusht 2017
M. A.

Lideri i Nismës për Kosovën, Fatmir Limaj ka reaguar lidhur me sulmin fizik në drejtim të bashkëshortes së Blerand Stavileci.

Limaj është shprehur i shqetësuar nga sulmi fizik duke theksuar se të sulmosh fizikisht dikë, të sulmosh një grua është veprimi më I ulët që ndodhë në shoqërinë tonë.

Ky është postimi i plotë:

I shqetësuar nga sulmi fizik që i është bërë bashkëshortes së ministrit Blerand Stavileci. Të sulmosh fizikisht dikënd, të sulmosh një grua, është veprimi më i ulët që ndodh në shoqërinë tonë.

Kërkoj nga organet e rendit që t’i nxjerrin menjëherë para drejtësisë sulmuesit, në mënyrë që të ndalen aktet e tilla që cenojnë lirinë e tjetrit dhe përgjegjësit të marrin dënimin e merituar.

Zonjës Stavileci i uroj shërim të shpejtë! FL