Limaj në dyvjetorin e vdekjes së Afrim Bunjakut: Rënia e tij është dëshmi e përkushtimit ndaj detyrës, atdheut e paqes

13:47 | 24 Shtator 2025
E.K

Në dyvjetorin e vrasjes së rreshterit të Policisë së Kosovës, Afrim Bunjaku, kryetari i Nismës Socialdemokrate, Fatmir Limaj, ka kujtuar me dhimbje dhe krenari sakrificën e tij në mbrojtje të vendit.

“Sot përkujtojmë me dhimbje dhe krenari heroin më të ri të Kosovës, Afrim Bunjakun, i cili ra heroikisht në mbrojtje të sovranitetit dhe integritetit të vendit tonë. Rënia e tij heroike është dëshmi e përkushtimit të pakompromis ndaj detyrës, ndaj atdheut dhe ndaj paqes së fituar me shumë mund e sakrificë”, ka shkruar Limaj në Facebook.

Ai theksoi se vepra dhe sakrifica e Bunjakut do të mbesin përgjithmonë në kujtesën e popullit.

“Lavdi e përjetshme emrit, veprës dhe kujtimit të Heroit, Afrim Bunjaku”, përfundoi Limaj.